تشريح الدواجن

[ltr]تشريح الطيور[/ltr]

[ltr]طبعا اجراء التشريح لتشخيص امراض الدواجن مهم جدا جدا فى المعامل وطبعا لزملائنا الدكاتره الاعزاء للوصول الى المشكله والتشخيص الجيد وبالتالى وصف العلاج المضبوط وعلاج المشكله .
وطبعا قبل ما ابدا فى التشريح لازم نقعد مع المربى ونعرف البيانات التاليه
طاقه المزرعه
العمر
الادويه المستخدم حتى تاريخ الفحص
برنامج التحصينات
الحراره والتهويه
بالنسبه للتشريح لازم يكون عددالطيور كافى ويفضل فحص الطيور النافقه وبرده ناخد بعض الطيور التى تظهر عليها الاعراض المرضيه لمحاوله تحديد المشكله بشكل قطعى
دايما العينه مش بيكون فيها مشكله واحده بل عددمن المشاكل يعنى دايما الاصابه فى الدواجن بتكون مركبه لازم تحديدها كلها والتعامل معاها
يعنى مثلا لو النافق اليومى 10 يبقى اخد 5 فراخ نافق و2 مصابين واشوفهم
وعلشان احدد المشكله لازم يكون المشكله مشتركه فى العدد كله نجزم ان هى دى المشكله الفعليه فى المزرعه والى عامله نافق
طبعا والعينه قدامى ممكن الاحظ بعض الحاجات واعملها علشان تدى تشخيص مبدئى لكن طبعا كله يظهر عند التشريح على سبيل المثال
1- الضغط على الانف لاكتشاف رشح انفى الى ممكن يكون بسبب البرد
2- وجود اسهالات على موخره الطائر
3- لون الجلد من بره مزرق او او ............
4- اعراض عصبيه فى شكل مميز الراس والارجل وده ممكن يكون بسبب سموم فطريه او سموم بكتيريه لميكروب زى الكلوسترديا
5- بهتان واصفرار العرفين دليل على اى اصابه طفيليه خصوصا الديدان والسموم والكوكسيديا
نبدا على بركه الله
العينه قدامى هاشد الراس للامام علشان اعمل سترتش للرقبه لتسهيل فتح الفم
هافتح باستخدام المقص فى زاويه الفم للامام افتح والاقى قدامى البلعوم والقصبه الهوائيه افتح فى القصبه الهوائيه ودايما هاحكم على حاله

[size=32]القصبه الهوائيه[/size]

بالتالى :
1- وجود احتقانات خفيفه ممكن تكون دليل على مشاكل فى التهويه او دليل على مشكله تنفسيه
2- فيها رغاوى وحاجه عامله زى الزلال ممكن تكون مميزه لمرض الاى بى
3- احتقان شديد زى الدم دليل على اى اصابه تنفسيه شديده زى النيوكاسل او المرض التنفسى المزمن اواى مرض تنفسى شديد
4- دم متجلط او دم صافى دليل على الاصابه بمرض اى ل تى
برده ممكن اشوف

جلد الرقبه

هل فى اى انزفه دليل على سموم او اى مرض يوثر على السيوله او احتقانات دليل على اى مرض بيعمل سيبتسميا
بعد كده هاقلب الفرخ على بطنه وفى المنطقه الى فوق الذيل هاضرب مقص لجوه عشلان اشوف
غده البرسا
الى ممكن تدينى دلائل على التالى :
1- ضامره وحجمها صغير دليل على اى مرض موثر على المناعه وخصوصا السموم الفطريه
2- حجمها كبيرعن الطبيعى ومحتقنه دليل على اى خلل مناعى لاى سبب سموم فيروس او تحصين
3- من جوه احمرار شديد ممكن يكون السبب جامبرو
4- فيها حاجه عامله زى الجير رد فعل تحصين
هارجع احط افرخ على ظهره واضرب 3مقصات 2 فى زاويه كل رجل علشان اقدر افتحهم وواحده فى بو

الصدر

وبعدكده بالعرض من كلناحيه فى الصدر بعد كده هافتح الصدر للخلف لاستكشاف ما يوجد داخل البطن
ممكن الاقى اى حاجه غير طبيعيه فى لون عضلات الصدر احتقانات دليل على احتباس حرارى اى مرض فيروسى او بكتيري عامل سيبتسيميا وومكن انزفه على عضلات الساق والصدر دليل على الاصابه بالجامبرو او حاجه عامله زى الكدمات انزفه زى ما يكون الفرخه مخبوطه وبرده دليل على السموم الفطرية
هلاقى طبع

كوز القلب

قدامى ممكن الاقى فيه الاتى :
1- حجمه كبير وزى ما يكون معبى مايه دليل على اى مرض وسوء تهويه او سموم
2- تجبنات عليه دليل على الاصبه المزمنه بالاى كولى
3- حاجه زى الجير تمسحها بايدك زى الطباشير خلل فى الكلى سبب ترسيب املاح عليه
تحته شويه هلاقى

الرتتين والاكياس الهوائيه

هاستدل على التالى لان لونها الطبيعى روز فاتح والاكياس الهوائيه رايقه والمفروض انى مااشوفهاش فى الحاله الطبيعيه واما اشوفها دليل على مشكله تنفسيه خصوصا المايكوبلازما لو فى تجبنات على الاكياس الهوائيه
الرئه لونها محتقن او مسود او عليها تجبنات او سوده دليل على الاصابه بالبرد وممكن لو فيها حاجه عامله زى القطن ممكن تكون اصابه فطريه خصوصا الاسبيرجيلوسيس يعنى دايما الرئه دليل على اى اصابه تنفسيه مهما كان سببها

الكبد

هايكون واضح قدامى والمفروض ان له لون مميز هايعرفه الى بيفتح ويشوف كبد طبيعى
وهاستدل عليه بالتالى :
1- لونه اسود وغامق ومهرى وحجمه كبير دليل على السموم الفطريه
2- مهرى وده هاعرفه بانى افتح فيه بالمقص الاقيه دايب دليل على سموم او زياده استخدام ادويه
3- لون اصفر مدهنن برده سموم فطريه اوزياده فى نسبه الطاقه فى العلايق يعنى الذره الكبد الدهنى
4- خلل فيه بسبب سموم بكتيريه واهمها سموم الكلوسترديا
5- وجود طبقه زى الغشاءاالبيض عليه او تجبنات دليل على الاى كولى الصوره المزمنه
تحته طبع

المراره

ودى هاعرف بيها التالى :
1- سموم فطريه
2- ادويه كتير
3- اى صوره من صور السميه بشكل عام
هلاقى بعد كد

المعده والمصارين

هافتح فى المعده الغديه وممكن من خلالها اشخص الاتى
1- كلها حمره فى شكل نزيف اى مرض فيروسى يوثر ويودى الى انزفه خصوصا الانفلونزا
2- وجود انزفه على تيبس بتاع المعده الى فى صوره دواير ده مميز لمرض النيوكاسل لازم على التيبس بتاع المعده الغديه
3- انزفه بينها وبين القوناصه دليل على الاصبه بالجامبرو
4- ممكن بره انزفه مش التيبس بس على المعده الغديه دليل على السموم الفطريه
5- علف لونه اخضر دليل على السموم الفطريه
هاخش بعد كده على

المعده العضليه او القناصه

ومن خلالها هاشخص التالى :
1- وجود علف لونه اخضر دليل على السموم الفطريه.
2- هاشيل القشره الى فيها وابص تحتها على اى انزفه برده دليل على السموم الفطريه
الامعاء
1- اشوفها من بره فيها انتفاخات زى الهواء يبق كلوسترديا
2- عاملها زى السجق ومليانه دم دليل على الكوكسيديا سواء فى المصارين نفسها او الاعورين
هافتح فيها واشوف الاتى فى الصور التاليه
1- تضخم فى جدارها وحاجه عامله زى القطيفه كلوسترديا
2- زى ما يكون ملتهبه دليل على السموم الفطريه مع الاعراض الاخرى للسموم كبد وكلى وعلف اخضر وانزفه
3- نقط دمويه دليل على الكوكسيديا
4- نقط بيضاء دليل على نوع من الكوكسيديا اسمها اسيرفيولينا
5- انزفه على سيكال تونسل دليل على النيوكاسل وده مميزه للمرض ده
6- وجود انتفاخ بالاعورين او اى سائل بنى مصفر ذو رائحه كريهه دليل على الاصابه بالكلوسترديا
7- الاقى الاعورين مليانين سائل ابيض ممكن يكون اى كولاى او سالمونيلا وده فى الكتاكيت الصغيره
8- ممكن طبعا افتح فى المصارين الاقى ديدان زى التعابين ودى طبعا اسكارس
9- تلاقى حاجه عامله زى الجبنه تجبنات على كتله المصارين من بره دى طبعا صوره من صور الاى كولى
طبعا فى الكتاكيت الصغيره ممكن الاقى

كيس المح

كبير وغير ممتص دليل على الصابه بالى كولى او السالمونيلا الى جايه من المعمل يعنى الاقى كيس المح بعد فتره طويله اسبوع او اكتر يبقى اصابه معويه باى كولاى اوسالمونيلا
اشيل المصلرين الاقى تحتها

الكليتين والحالبين

1- تضخم فى فصوصا دليل على سموم
2- احتقانات وزياده فى حجمها وترسبات عليها ممكن يكون سموم او صوره من صور الاى بى الكلوى
3- اى حاجه غير طبيعيه فيها ممكن يكون بسبب استخدام ادويه بشكل كبير جرعات عاليه او قرص طويل من المضادات الحيويه وخصوصا الجنتا والسلفات
4- الحالبين فى الطبيعى ما تشوفهمش لو شفتهم وفيها املاح بيضا يكون نقرص سموم ادويه زايده اجهاد كلوى سالمونيلا خصوصا فى الاسبوع الاول من العمر جامبرو
ممكن افتح الاقى فى

 البطن[/ltr]

[ltr]دم متجلط ممكن يكون خبطه او سموم
الاقى استسقاء فى صوره مايه سموم او تهويه او علف او ملح زاي
الطحال
عضومناعه لما الاقيه كبير فى الحجم يبقى اى مرض له تاثير على المناعه
طبعا دى مش كل حاجه بس اعتقد ان ده كافى خصوصا فى التسمين والله الموفق
شكرا ليكم والرجاء التفاعل مع الموضوع والتصويت على اهميته لان بجد الواحد تعب علشان يجمعه واهم ما فيه هو انه شغل عملى بحت
فى انتظاركم تريده الدواجن[/ltr]

[ltr] [/ltr]